𝗡𝗚𝗘𝗜𝗧 𝗕𝗔 𝗨 𝗕𝗟𝗘𝗜 𝗨 𝗗𝗢𝗡 𝗥𝗬𝗡𝗚𝗞𝗔𝗧 𝗕𝗔𝗗 𝗣𝗛𝗜
Kum ki briew ngi don beit ka mynsiem sheptieng, ngi sheptieng ia ba bun kiei kiei. Ngi sheptieng ia ka lawei , Ki kmie ki kpa ki sheptieng ia la ki khun ioh ki ngop ha ki kam sinew, ki nongtrei ki sheptieng ioh ki shahbeh kam, ynda lah kut bnai ki nongaikam ki sheptieng ba kin siew bai bylla da kaei. Kiba don ha ka ram ki sheptieng kumno ban siew ia ka ram. Ki nongpyndap ha iing ha sem ki khuslai da ei yn dap khamtam ha kum kane ka por jong ka jingeh. Ki don shibun bah kiei kiei ba ngi sheptieng. Khamtam ha kum kane ka por jong ka jingpang COVID-19 ba bun ki briew ki syier , ki khynniuh ha ba pyrkhat shapang kane ka jingpang. Kiba lah ioh ia kane ka jingpang ki sheptieng ioh ki iap.
Ainguh ia U Blei ba U ong pat lyngba
Isaiah 41 : 10 "To wat sheptieng me, namar nga long ryngkat bad me; wat sngewma, namar nga long U Blei jong me: ngan pynshait bor ia me; hooid, ngan iarap ia me; hooid, ngan kyrshan ia me da ka kti kamon ka hok jong nga."
Sa kane kawei ka dkhot ka ai jingkyrmen ia ngi ba ngin nym sheptieng namar ba U Blei U don ryngkat bad ngi
Salms 118: U Trai u ha ka liang jong nga; ngan ym sheptieng: u briew u lah ban leh aiu ia nga?
Kumba kane ka dkhot ka kren shai ba lada U Trai U don ryngkat bad nga balei ngan sheptieng. Hato mano ba kham khraw? U Blei ne (jer kyrteng hi ma phi).
Khyndiat ngin ia puson lada U Blei shisha U don ryngkat bad phi, U ne U Blei uba thaw ia ki bneng bad ka khyndew , Une U juh U Blei Uba thaw lut ia kiei kiei baroh kiba khraw bad ia kiei kiei ba ki khmat jong ngi kim lah ban iohi . Hato phin dang sheptieng iano iano ruh lada phi sngewskhem ba U Blei don ryngkat bad phi?
Nga ngeit ka jubab jong phi ka long Em, namar phi lah ban shaniah ba U blei U lah ban iada ia phi na ki jingma baroh.
U Trai Jisu Khrist Un pynshait bor ia phi bad Un plie ia ki khmat kiba kynja mynsiem ki jong phi khnang ba phin lah ban iohi ba U Blei U don ryngkat bad phi. Khublei Shibun. Sngewbha Share lem.
Comments