Phi don KA IKTIAR
Dkhot Baibl ban puson Loukas 10:19 Ha khmih nga la ai ka bor ha phi ia kaban iuh roit halor ki bsein bad ki
lartham, bad halor ka bor baroh ka jong u nongshun: bad ym don ei ei ruh kaban pynsniew ia phi. Don ka por ha ka jingim haba ngi iaid lyngba ki jingeh kiba khraw khamtam haba don ka jingpang ha ka met. Dei ha kum kine ki por ba ngi dei ban pynkynmaw ia lade ba ngi don ka IKTIAR. Ha ka Gospel U Loukas U Jisu U ong ha ki synran jong U ba U la ai ka IKTIAR ha ki. Ban sngewthuh kham bniah ia kane ka bynta ngin pynshang ban sngewthuh lynba kane kawei ka nuksa: Ki pulit kiba don ha ka uniphorm (Uniform) ki don ia ka iktiar katkum ka ain ban kem ia uno uno u riewsniew, U pulit da lade hi un ym lah ban leit ban kem iano iano ruh lada khlem pynkup ia ki da ka iktiar na ki bor ba halor. Ka long kumjuh ia ngi kiba ngeit ha ka kyrteng U Jisu Khrist la pynkup ia ngi da ka IKTIAR na U Jisu Khrist hi ban ia leh pyrshah ia ki bor jong ka jingdum kiba wan ha ka dur jong ka jingpang kiba bun rukom. Lah ba phi don kano kano ka jingpang ruh ,kata jingpang ka long thik kum uta u nonglehsniew bad phi don ka IKTIAR ban hukum ia ki ban mih na ka met jong phi bad ba phin hukum ia ka jingpynkhiah ha ka met jong phi. Phim dei nongrem Phi DEI NONGJOP. 1Ioannis 4:4 ka ong ba kham khraw uta ba hapoh jong phi ban ia uta uba ha ka pyrthei. Te naduh mynta ka sngi sdang ban shim bad pyndonkam ia kane ka IKTIAR ha ka kyrteng U Jisu, phin iohi ia ki kambah. Ka jingpang ka hap ban kohnguh ia phi. JINGDUWAI Ko Kpa jong ngi Uba ha bneng nga ainguh ia Me namar ba Me ieid ia nga , nga ainguh ia Me ba Me pynkup ia nga da ka IKTIAR ka jong Me. Kat kum U Loukas 10 :19 nga hukum ia kane ka jingpang (jer kyrteng hi ma phi) ba kan kynriah noh na ka met jong nga. Ka jingsheptieng, jingartatien kan ym don bor shuh ha ka jingim jong nga naduh kane ka khyllepmat hi. Nga wan da ka Iktiar na U Jisu Khrist bad nga pynbna ba nga long uba/kaba la laitluid na ki shah ban bor jong u soitan baroh. Ha ka Kyrteng U Jisu Amen.
Comments